આપણું ઉમરેઠ

ચરોતરનો ઉંબરો..

ઉમરેઠમાં સ્વચ્છતા અભિયાન અંતર્ગર રેલી યોજાઈ.


નગરપાલિકા સ્કૂલ, એચ.એમ.દવે સ્કૂલ સહીતની સ્કૂલના વિદ્યાર્થીઓ રેલીમાં જોડાયા. સ્વચ્છતા અભિયાન અંતર્ગત ઉમરેઠ નગરમાં આજે ભવ્ય રેલીનું આયોજન કરવામાં આવ્યું હતું. જેમાં ઉમરેઠ નગરપાલિકા સ્કૂલ સહીત એચ.એમ.દવે સ્કૂલના વિદ્યાર્થીઓ તેમજ શિક્ષકો,ઉમરેઠ નગરપાલિકાના પ્રમુખ સંગીતાબેન પટેલ, નગરપાલિકાના કર્મચારીઓ અને સભ્યો સહીત નગરજનો જોડાયા હતા ઉમરેઠ પંચવટી વિસ્ત્તાર થી રેલી રામ તળાવ ખાતે પહોંચી હતી રામ તળાવની આજૂબાજૂના વિસ્તાર સહીત રેલીના માર્ગ પર આવતા તમામ રસ્તા પર સ્વચ્છતા અભિયાન હાથ ધરવામાં આવ્યું હતું. રેલીની શરૂઆતમાં ઉમરેટ નગરપાલિકાના પ્રમુખ સંગીતાબેન પટેલ અને તેઓની ટીમ દ્વારા પંચવટી વિસ્તારમાં સફાઈ કરી રેલીની શરૂઆત કરાવવામાં આવી હતી. વિદ્યાર્થીઓએ રેલી દરમ્યાન સ્વચ્છતા અંગે જાગૃતિ લાવવા પ્લે-બોર્ડ નિદર્શન તેમજ વિવિધ સુત્રોચ્ચાર કર્યા હતા. રેલીને સફળ બનાવવા માટે શાળા પરિવાર તેમજ પાલિકા તંત્રએ જહેમત ઉઠાવી હતી.

ઉમરેઠ અંબિકા નગર સોસાયટીમાં પાર્ક કરેલી કારના ટાયરની ચોરી.


CAR01ગતરોજ રાત્રીના સમયે ઉમરેઠ ડાકોર રોડ પર આવેલ અંબિકા નગર સોસાયટીમાં ઘર બહાર પાર્ક કરેલ કાર ના આગલા બે ટાયરોની કોઈ અજાણ્યા વ્યક્તિઓ દ્વારા ચોરી કરવામાં આવી હોવાની ફરિયાદ ઉમરેઠ પોલીસ સ્ટેશને નોંધાઈ છે. વધુમાં પ્રાપ્ત માહીતી મુજબ ઉમરેઠની અંબિકા નગર સોસાયટીમાં રહેતા અશ્વીનભાઈ પટેલએ રાબેતા મુજબ પોતાની કાર ઘર બહાર પાર્ક કરી હતી. જ્યારે સવારના સમયે તેઓની નજર કાર પર પડતા આગલા ભાગના બંન્ને ટાયર કાર માંથી ગાયબ હોવાનું માલુમ પડ્યું હતું. આ અંગે સોસાયટીના રહીશોને જાણ થતા આજૂબાજૂ ટાયર ની શોધ કરવા પ્રયન્તો કર્યા હતા. જ્યારે ટાયરો ક્યાંય ન મળતા કારના ટાયરો ચોરી થયાનો અહેસાસ સોસાયટીના રહીશોને થયો હતો. આ અંગે કાર માલીક અશ્વીન પટેલે ઉમરેઠ પોલીસ મથકે ફરિયાદ કરતા ઉમરેઠ પોલીસે ચોરોને પકડવા ચક્રો ગતિમાન કર્યા છે

ઉમરેઠમાં વૃધ્ધ મહિલાને માર મારી લુંટારાઓ સોનાની બંગડીઓ લઈને ફરાર.


  • છેલ્લા મહીનામાં ઉમરેઠમાં ચોરી-લુંટના વધતા બનાવો થી સોસાયટીના રહીશો ભયભીત.

1છેલ્લા કેટલાક સમય થી ઉમરેઠ પંથકમાં ચોરી અને લુંટના બનાવો બની રહ્યા છે. તાજેતરમાં ઉમરેઠની એક સોસાયટીમાં બંધ ઘરને તસ્કરોએ નિશાન બનાવ્યું હતું જ્યારે બે દિવસ પહેલા જ ઉમરેઠના ભરોડામાં પણ ચોરીનો બનાવ બન્યો હતો. ચોરીના બનાવને રોકવા માટે ઉમરેઠ પોલીસ દ્વારા પ્રજાજનોને માર્ગદર્શન આપવા તાજેતરમાં એક બેઠક પણ યોજાઈ હતી. પરંતુ હજૂ પણ ઉમરેઠ પંથકમાં ચોર-લુંટારા સક્રીય હોવાનું પ્રતિત થઈ રહ્યું છે. આજે ઉમરેઠના જૂના પોલીસ સ્ટેશન પાસે આવેલ કોર્ટ રોડ વિસ્તારમાં જ એક વૃધ્ધ મહિલાના ઘરમાં જઈ કોઈ અજાણ્યા તત્વોએ મહિલાએ પહેરેલી બંગડીઓ લુંટી ફરાર થઈ ગયા હોવાની ઘટના બહાર આવતા ઉમરેઠમાં ચકચાર મચી ગઈ હતી.

bhogbannarmahilaવધુમાં પ્રાપ્ત માહીતી મુજબ ઉમરેઠના કોર્ટ રોડ વિસ્તારમાં કૂઈવાળા ખાંચામાં ચંદનબેન મફતલાલ તલાટી નામની વૃધ્ધ મહીલા એકલી રહે છે. સુખી ઘરના હોવાને કારણે તેઓ હંમેશા પોતાના હાથ પર ચાર સોનાની બંગડીઓ પહેરતા હતા અને ઘરમાં એકલા રહેતા હોવાને કારણે તકનો લાભ લઈ કોઈ અજાણ્યા લોકોએ તેઓના ઘરમાં સવારના અરસામાં પ્રવેશીને તેઓને માર મારી વૃધ્ધ મહિલાએ પહેરેલી ચાર સોનાની બંગડી લઈ ભાગી ગયા હતા. આ અંગે સ્થાનિકોને જાણ થતા તેઓના ઘરે લોકો એકત્ર થઈ લુંટારાઓને પકડવા દોડા-દોડી કરી હતી પરંતુ લુંટારા પલભરમાં અલોપ થઈ ગયા હતા. આ અંગે ઉમરેઠ પોલીસને જાણ થતા પોલીસ ઘટના સ્થળ પર આવી પહોંચી હતી અને વૃધ્ધ મહિલા પાસે સમગ્ર ઘટનાની વિગત જાણવા પ્રયત્ન કર્યો હતો. ઉલ્લેખનીય છે કે લુંટારા જાણભેદુ હોઈ શકે તેવી પુરે પુરી શક્યતા છે. મહીલા કયા સમયે ઘરમાં એકલી હશે તે અંગે લુંટારાઓએ પહેલેથી રેકી પણ કરી હોઈ શકે છે. હાલમાં તો વૃધ્ધ મહીલા પર કોણે હુમલો કરી સદર ઘટનાને અંજામ આપ્યો હશે તે અંગે પોલીસને કોઈ કડી મળી નથી પરંતુ ઉમરેઠમાં ઉપરા છાપરી બનેલા ચોરી-લુંટના બનાવોને ધ્યાનમાં લઈ ઉમરેઠ પોલીસ લુંટારાને પકડી પોતાની પ્રતિષ્ઠા જાળવવા આકાશ-પાતાળ એક કરે તેમાં કોઈ બે મત નથી.

લુંટારાઓએ સોમવાર જ પસંદ કેમ કર્યો..?  

ઉમરેઠમાં સોમવારના દિવસે બજારો બંધ હોય છે. અન્ય દિવસોની સરખામણીમાં સોમવારે રસ્તા પર લોકોની અવર જવર પણ ઓછ હોય છે જેથી લુંટારાઓને ઘટનાને અંજામ આપી ભાગવાનું સરળ બને તે માટે તેઓએ ઘટનાને અંજામ આપવા સોમવારની પસંદગી કરી હોઈ શકે છે. ઉલ્લેખનીય છે કે કોર્ટ રોડ પર રેદીમેડ કપડાનું મોટું બજાર હોવાને કારને સોમવાર સિવાયના દિવસોમાં આ વિસ્તારમાં ભારે ગીરદી રહેતી હોય છે. 

બે વર્ષ પહેલા રેટિયા પોળમાં વૃધ્ધ મહિલાને લુંટારાઓએ નિશાન બનાવી હતી.

એકલી રહેતી વૃધ્ધ મહીલાને માર મારી લુંટવાનો ઉમરેઠના રેટીયા પોળમાં બે વર્ષ પહેલા પણ બનાવ બન્યો હતો. રેટીયા પોળમાં રહેતી વૃધ્ધ મહીલાના પરિવારજનો મુંબઈ રહેતા હતા અને જેથી તેની એકાલતાનો લાભ લઈ લુંટારાઓએ મહીલાને બાંધીને માર માર્યો હતો અને રોકડ સહીત દાગીણા ની લુંટ કરી હતી.

વૃધ્ધ મહીલાના દિકરા વિદેશ રહે છે.

લુંટારાઓનો ભોગ બનવાર મહીલાના બે દિકરાઓ વિદેશમાં રહે છે, જેથી આ વૃધ્ધ મહીલા ઉમરેઠના કોર્ટરોડ વિસ્તારમાં આવેલ રૂપમંગલમ્ ના ખાચામાં એકલી રહે છે. એકલી રહેતી વૃધ્ધ મહીલાઓની સુરક્ષા માટે તંત્ર સહીતે તેઓના પરિવારજનોએ વિશેષ વ્યવસ્થા કરવાની હવે જરૂર પડી છે.

પોલીસ સ્ટેશન ગામ બહાર ગયું અને ગામ અસુરક્ષિત થયું. – નગરજનો

ઉમરેઠ પોલીસ સ્ટેશન ગામ બહાર લઈ ગયાને ગણતરીના દિવસો જ થયા છે અને જૂના પોલીસ સ્ટેશન પાસે બનેલા લુંટના બનાવને લઈ સ્થાનિકો ચર્ચા કરી રહ્યા હતા કે પોલીસ સ્ટેશન ગામ બહાર લઈ જવાનો તંત્રનો નિર્ણય ભૂલ ભરેલો છે.

લુંટારુંઓએ મોઢું દબાવી દીધુ હતુ જેથી બુમ પણ ના પડાઈ. – ભોગ બનનાર મહીલા

લુંટારુંઓનો ભોગ બનનાર મહીલાએ જણાવ્યું હતું કે તે પલંગ પર સુઈ ગયા હતા ત્યારે અચાનક કોઈએ પાછળ થી આવી તેનું મોઢું દબાવી દીધુ હતુ અને મોઢા પર માર માર્યો હતો જેથી તેઓ બૂમ પણ પાડી શક્યા ન હતા.

ઉમરેઠ પ્રગતિ સ્કૂલમાં વાર્ષિક દિવસની ઉજવણી.


વિદ્યાર્થીઓ દ્વારા મનોરંજન કાર્યક્રમો રજૂ કરાયા.

04b7a82c.jpgઉમરેઠની પ્રગતિ ઈન્ટરનેશનલ સ્કૂલમાં વાર્ષિક દિવસની ઉજવણી કરવામાં આવી હતી. આ પ્રસંગે આશિર્વચનદાતા પદે ઉમરેઠ સંતરામ મંદિરના મહંતશ્રી ગણેશદાસજી મહારાજ મુખ્ય મહેમાન પદે રાજ્યસભા સાંસદ લાલસિંહ વડોદીયા ખાસ ઉપસ્થીત રહ્યા હતા. સમારોહની શરૂઆતમાં શાળાના આચાર્ય વજેસિંહ અલગોતરએ આવકાર પ્રવચન કરી ઉપસ્થીત મહેમાનો તેમજ વાલીગણને શાબ્દીક આવકાર આપ્યો હતો. 01123.jpgઆચાર્યશ્રીએ શાળાની શૈક્ષણિક પ્રવૃત્તિ સહીત ઈતર પ્રવૃત્તિઓ અંગે ઉપસ્થીત લોકોને સવિસ્તાર માહીતી પૂરી પાડી હતી. આશિર્વચન દાતાશ્રી ગણેશદાસજી મહારાજે જણાવ્યું હતું કે બાળકોને ઈન્ટરનેશનલ સ્કૂલોમાં અભ્યાસ કરવા માટે બહાર ગામ જવું પડતું હતુ, ત્યારે ઉમરેઠના આગને તમામ સુવિધાથી સજ્જ શિક્ષણ સંકુલ પ્રસ્થાપીત કરવા બદલ શાળાના સંચાલકો સહીત ટ્રસ્ટીઓને 03.jpgઅભિનંદન પાઠવ્યા હતા તેઓએ શિક્ષણ નું મહત્વ સમજાવ્યું હતું. વાર્ષિક દિવસ નિમિત્તે શાળાના બાળકો દ્વારા વિવિધ મનોરંજન તેમજ સાંસ્કૃતિક કાર્યક્રમો રજૂ કરવામાં આવ્યા હતા. જેમાં એકપાત્ર અભિનય, ડાન્સ, ગરબા સહીતના કાર્યક્રમો વિદ્યાર્થીઓએ સુંદર રીતે રજૂ કર્યા હતા. આ પ્રસંગે મોટી સંખ્યામાં વાલીગણ સહીત આમંત્રીતો ઉપસ્થીત રહ્યા હતા અને શાળાની પ્રવૃત્તિઓની પ્રશંશા કરી હતી. પ્રગતિ સ્કૂલના સંચાલકો અને આચાર્યશ્રી વજેસિંહ અલગોતર દ્વારા આવનારા દિવસોમાં શાળાને વધુ સુવિધાજનક અને આધુનિક બનાવવા સકારાત્મક અભિગમ દાખવવા જણાવ્યું હતુ અને શાળાનો વાર્ષિકોત્સવ સફળ બનાવવા પ્રત્યક્ષ અને પરોક્ષ રીતે સહકાર આપનાર સર્વેનો તેઓએ આભાર વ્યક્ત કર્યો હતો.

Advt : –

ગાંધી ધીરુભાઈ જીતેન્દ્રકુમાર
કાપડના વહેપારી
ખરાદીની કોઢ, બેંક ઓફ બરોડા પાસે – ઉમરેઠ

અમારે ત્યાં શુટ-શેરવાનીના કાપડ, શુટીંગ-શર્ટીંગ,કુર્તા-પાયજામાં,ફેન્સ કાપડ,ચણિયા ચોલી,સાડી તેમજ વેસ્ટર્ન કૂર્તા અને લેન્ગીસ મળશે.

3020

આવા લોકો પણ હોય છે…!


ghanshyam.jpgગઈ કાલે એક કાકાને સાયકલ પર બિસ્કીટ ભરેલું બોક્સ લઈ જતા જોયા. આ કાકા સ્લમ વિસ્તારમાં ગરીબ બાળકોને ઘરે ઘરે ફરી બિસ્કીટના પેકેટ આપતા હતા. કાકા જેવા તે વિસ્તારમાં સાયકલ લઈને ગયા તેવામાં બાળકોનું ટોળું તેમને ફરી વળ્યું બધા બાળકોને તેમને બિસ્કીટના પેકેટ આપ્યા બાળકો ખુશખુશાલ થઈ જતા રહ્યા અને તે કાકા પોતાની સાયકલ પર આગળ જતા થયા.

બિસ્કીટ વિતરણ કરી આગળ ધપતા આ સાયકલ સવાર કાકાને અચરજતા થી મેં પુછ્યું કેમ કાકા આજે કશું છે..? આમ બિસ્કીટ વિતરણ કર્યું..? તે કાકાએ જવાબ આપ્યો..
“ના ભાઈ, કાંઈ નથી, હું તો દર અઠવાડીયે ગરીબ બાળકોને બિસ્કીટ કે મિઠાઈ આપું છું. ગયા અઠવાડીયે કચરિયું બનાવડાવ્યું હતુ, અને બાળકોને ખવડાવ્યું હતું.

મે તે કાકાને કહ્યું,” સારું કહેવાય તમે સાયકલ પર ફરી-ફરીને આ બાળકોને ઘરે બેઠા બિસ્કિટ અને મિઠાઈ આપો છો, પણ બહું ખર્ચો થતો હશે નઈ..?

તે કાકાએ કહ્યું,”હું મારા પેન્સન માંથી વર્ષે પંદર-સત્તર હજાર રૂપિયા આવી જ રીતે ખર્ચું છું, આવા લોકોને બિસ્કિટ, ચોકલેટ કે મિઠાઈ આપી મને આનંદ મળે છે. એક બિસ્કીટનું પેકેટ મળે ત્યારે ગરીબ બાળકોના મોઢે જે ખુશીની લાગણી જોવા મળે તે કાંઈક અલગ જ અહેસાસ કરાવે છે.”

મેં તે કાકા ને કહ્યું,” વર્ષે પંદર-સત્તર હજાર આ રીતે ખર્ચી નાખો તો ઘરના બજેટમાં અસર થતી હશે ને..?

કાકાએ હસતા-હસ્તા કહ્યું, “ભાઈ,મારા બે છોકરા છે,બે’વ પોત-પોતાના કામમાં ઠરી ઠામ છે,એટલે ભગવાનની મહેરબાની થી આવા સેવાકીય કામમાં આર્થીક મુશ્કેલી નથી પડતી, તેમને કહ્યું કે ગરીબ બાળકોને ચોકલેટ બિસ્કીટ વિતરણ સહીત સરકારી સ્કૂલમાં તિથિ ભોજન, ધાર્મિક સંસ્થાઓમાં પ્રસાદી સહીત યેનકેન પ્રકારે ગરીબોને વિવિધ રીતે ફુલ નહી તો ફુલની પાંખડી આપું છું.”

આટલી વાત કરતા જતા હતાને તેમને એક ગલીમાં બે બાળકો નજરે પડ્યા,ને સાયકલ ઉભી રાખી ને બે બિસ્કીટના પેકેટ લઈ તેમની તરફ ગયા, ને બસ આ ફોટો ક્લિક કર્યો.

આ ભાઈ હતા, ઉમરેઠના ઓડ બજારમાં રહેતા ઘનશ્યામભાઈ પરમાર, ઘનશ્યામભાઈ પરમાર હાલ રીટાયર્ડ લાઈફ ભોગવી રહ્યા છે, અને આવી સેવાકિય પ્રવૃત્તિઓ કરી રહ્યા છે. કોઈ-પણ જાતના શોર-બકોર કર્યા વગર, પોતાની જાતે એકલા હાથે સાયકલ પર ફરીને સેવાકિય પ્રવૃત્તિ કરનાર ઘનશ્યામભાઈ જેવા લોકો આજે પણ પોતાની સામાજિક જવાબદારી નિભાવે છે તે ખરેખર પ્રશંશાને પાત્ર છે. હજુ પણ સમાજમાં આવા લોકો ની હાજરી છે તે ખરેખર સારી વાત છે.

ghanshyam.jpg

ઉમરેઠના મિતેષ પટેલની લૂંટના ઈરાદે અમેરિકાના કેલિફોર્નિયામાં ગોળી મારી હત્યા.


  • સ્ટોર બંધ કરી ઘરે જવાની તૈયારી કરતા સમયે જ લુંટારાઓ ત્રાટક્યા – મિતેષના બનેવી સ્ટોર માંજ બાથરૂમ ગયા હોવાથી તેઓનો આબાદ બચાવ
mitesh_With_Family

MITESH PATEL WITH HIS WIFE BHAVIKA PATEL AND DAUGHTER

અમેરીકામાં છેલ્લા કેટલાય મહિનાઓ થી ગુજરાતી યુવાનો પર હુમલા થવાના બનાવો દિવસે દિવસે વધી રહ્યા છે ત્યારે આજે મૂળ આણંદ જિલ્લાના ઉમરેઠના મિતેષ વિનુભાઈ પટેલ પર અમેરીકાના કેલિફોર્નિયામાં અજાણ્ય અશ્વેત વ્યક્તિઓએ લુંટના ઈરાદે હુમલો કર્યો હતો. અશ્વેત લુંટારાઓએ મિતેષ પટેલ પર ફાયરીંગ કરતા મિતેષને તુરંત નજિકની હોસ્પીટલમાં ખસેડાયો હતો જ્યાં તેનું મોત નિપજ્યું હતું. સદર બનાવ અંગે મિતેષ પટેલના પરિવારજનોને ઉમરેઠ ખાતે જાણ થતા તેઓ શોકાતુર બની ગયા હતા અને તેઓને દિલાસો આપવા તેઓના નિવાસ સ્થાને મોટી સંખ્યામાં લોકો ઉમટી પડ્યા હતા. વધુમાં પ્રાપ્ત માહિતી મુજબ લગભગ ૧૩ વર્ષ થી અમેરિકામાં વસવાટ કરતા મિતેષ પટેલ હાલમાં કેલિફોર્નિયામાં પોતાના બનેવી

usa mardar umreth v 4.mpg_20160130151001

MITESH PATEL’S RELATIVE AND FAMILY FRIENDS VISIT HIS HOME TO MEET HIS FATHER VINUBHAI PATEL AND MOTHER PUSHPABEN PATEL

સમીર પટેલ સાથે એક સ્ટોર ચલાવતા હતા. નિત્ય નિયમ મુજબ આજે રાત્રે સ્ટોરનું કામકાજ પતાવી મિતેષ પટેલ ઘરે જવાની તૈયારી કરતા હતા, તેઓના બનેવી અન્ય કામકાજ અર્થે સ્ટોરના બીજા વિભાગમાં ગયા હતા. તેવામાં અજાણ્યા અશ્વેત લુંટારાઓએ લુંટના ઈરાદે સ્ટોરમાં આવી પહોંચ્યા હતા. મિતેષ પટેલ કાઉન્ટર પર એકલા હોવાને કારણે પરિસ્થિતિની ગંભીરતા માપી લુંટારાઓનો પ્રતિકાર કર્યા વગર પોતાની પાસેની રોકડ લુંટારુંના હવાલે કરી દીધી હતી,તેવામાં મિતેષભાઈના બનેવી સમીર પટેલ અચાનક આવી જતા સ્ટોરમાં અસુરક્ષાનો અહેસાસ થતા લુંટારાઓએ મિતેષ પટેલ પર અંધાધુન ગોળી ચલાવી દીધી હતી. લુંટારાઓએ કરેલ ફાયરીંગમાં સમીરભાઈ પટેલનો આબાદ બચાવ થયો હતો. જ્યારે મિતેષના પત્નિ ભાવિકા પટેલ પણ સદર સ્ટોરમાં જ તેઓના પતિ મિતેષ અને બનેવી સમીર પટેલને મદદ કરતા હતા ઘટના સમયે તેઓ સ્ટોરમાં હાજર ન હતા. મિતેષ પટેલને છાતી અને પેટના ભાગમાં ગોળી વાગતા તેઓ ગંભીર થઈ ગયા હતા અને તુરંત તેઓને નજદિકની હોસ્પિટલમાં ખસેડવામાં આવ્યા હતા જ્યાં સારવાર દરમ્યાન તેઓનું મોત નિપજ્યું હતું.

મિતેષ પટેલના માતા-પિતા અને કાકા અમેરિકા જશે.

mitesh_father

VINUBHAI PATEL (MITESH’S FATHER)

ઉમરેઠના મિતેષ પટેલની કેલિફોર્નિયામાં લુંટના ઈરાદે હત્યા થતા ઉમરેઠ ખાતે તેઓના પરિવારજનો શોકમાં ગરકાવ થઈ ગયા હતા. મિતેષ પટેલના કાકા ભૂપેન્દ્રભાઈ પટેલે જણાવ્યું હતુ કે મિતેષના માતા-પિતાને બનાવ અંગે જાણ થતાની સાથે અમેરિકા જવા માટે પ્રક્રિયા હાથધરી છે. તેઓના અન્ય પરિવારજનોએ પણ અમેરિકા જવા પ્રક્રિયા હાથધરી હોવાનું સૂત્રોએ જણાવ્યું હતુ. ઉલ્લેખનીય છે કે મિતેષના માતા-પિતા મિતેષ અમેરિકા સ્થાહી થયા બાદ અવાર નવાર અમેરિકા જતા હતા. અને બે-ત્રણ મહીના પહેલા જ ભારત પરત થયા હતા. તેઓ ગવર્મેન્ટ કોન્ટ્રાક્ટર છે અને ઉમરેઠમાં અમર કન્ટ્રક્શન નામે પોતાના મોટા પૂત્ર ટીનાભાઈ પટેલ સાથે ફર્મ ચલાવે છે.

મિતેષ પટેલે ઉમરેઠની જ્યુબિલિ સ્કૂલમાં અભ્યાસ કર્યો હતો.

મિતેષ પટેલ ઉમરેઠમાં જ્યુબિલિ સ્કૂલમાં અભ્યાસ કરતા હતા. સ્કૂલના સમયે તેઓ ક્રિકેટના ભારે શોખીન હતા અને સ્પીન બોલર તરીકે તેઓના મિત્ર વર્તુળ સહીત ઉમરેઠની સ્થાનિક ટુર્નામેન્ટમાં નામના મેળવી હતી. મિતેષ પટેલે પોતાનો કોલેજનો અભ્યાસ વિદ્યાનગરની બી.જે.વી.એમ કોલેજ માંથી કર્યો હતો. કોલેજનો અભ્યાસ પૂર્ણ થયા બાદ લગભગ ૨૦૦૨માં તે અમેરીકા જવા રવાના થઈ ગયો હતો.

ગુજરાતીઓ પર થતા હુમલા અટકાવવા સરકારે કડક પગલા લેવા જોઈયે – ભૂપેન્દ્રભાઈ પટેલ 

મિતેષ પટેલની અમેરિકામાં લુંટના ઈરાદે હત્યા થતા ઉમરેઠ સ્થીત તેઓના કાકા ભૂપેન્દ્રભાઈ પટેલે જણાવ્યું હત કે છેલ્લા કેટલાય સમય થી અમેરિકામાં વિવિધ ભાગમાં ભારતીય યુવાનો અને ખાસ કરીને ચરોતરના યુવાનો પર હૂમલાઓ થઈ રહ્યા છે,ત્યારે ભવિષ્યમાં આવી ઘટનાઓ ન બને તે માટ સરકારે કડક પગલા ભરવાનો સમય આવી ગયો છે.

Advt.


Advt.jpg

ઉમરેઠમાં ઠેર-ઠેર પ્રજાસત્તાક દિવસની ઉજવણી.


શ્રી સરસ્વતી શીશુ વિદ્યાલય

1

2

ઉમરેઠની શ્રી સરસ્વતી શીશુ વિદ્યાલય ખાતે ૬૭માં પ્રજાસત્તાક દિવસની ઉજવણી ભારે ઉત્સાહભેર કરવામાં આવી હતી. શાળાની ભૂ.પૂ. વિદ્યાર્થીની કુ.જિનલ શાહ અને મુખ્ય મહેમાન જે.પી.શાહ(ન.પા.સભ્ય)ના વરદ હસ્તે ધ્વજવંદન કરવામાં આવ્યું હતું. પ્રજાસત્તાક દિવસની ઉજવણીના ભાગરૂપે વિવિધ સાંસ્કૃતિક કાર્યક્રમો શાળાના વિદ્યાર્થીઓએ રજૂ કર્યા હતા. શૈક્ષણિક અને અન્ય વિશેષ સિધ્ધિ મેળવનાર વિદ્યાર્થીઓને આ પ્રસંગે મોમેન્ટ અને પુરસ્કાર આપી સન્માનીત કરવામાં આવ્યા હતા.

શ્રી સિધ્ધનાથ વિદ્યાલય શીલી

3

ઉમરેઠ તાલુકાના શીલી ગામે શ્રી સિધ્ધનાથ વિદ્યાલયમાં ઉમરેઠ મત વિસ્તારના ધારાસભ્ય જયંતભાઈ પટેલ (બોસ્કી)ના હસ્તે ધ્વજવંદન કરવામાં આવ્યું હતું. આ પ્રસંગે શાળાના વિદ્યાર્થીઓને શાળાના શિક્ષકો દ્વારા પ્રજાસત્તાક દિવસનું મહત્વ સમજાવવામાં આવ્યું હતું. ધ્વજ વંદન કાર્યક્રમમાં શિક્ષકો વિદ્યાર્થીઓ સહીત ગ્રામ્યજનો મોટી સંખ્યામાં ઉપસ્થીત રહ્યા હતા.

પ્રાથમિક શાળા ઈન્દિરા નગરી હમિદપુરા

4

ઉમરેઠ તાલુકાના હમિદપુરા ગામે ૬૭માં પ્રજાસત્તાક દિવસની ઉજવણી કરવામાં આવી હતી. આ પ્રસંગે પ્રાથમિક શાળા ઈન્દીરાનગરી ખાતે ધ્વજવંદન કાર્યક્રમ યોજાયો હતો જેમાં શાળા પરિવાર સહીત ગ્રામ્યજનો મોટી સંખ્યામાં ઉપસ્થીત રહ્યા હતા.

ઉમરેઠ ખડાયતા બાલમંદિર 

5

ઉમરેઠના પાટ સ્ટ્રીટમાં આવેલ ખડાયતા બાલ મંદિરમાં પ્રજાસત્તાક દિવસની ઉજવણી કરવામાં આવી હતી. આ પ્રસંગે બાલમંદિરના વિદ્યાર્થીઓને દૂધનું વિતરણ કરવામાં આવ્યું હતું. પ્રજાસત્તાક પર્વની વિશેષતાને બાલ મંદિરના સભ્યોએ વિદ્યાર્થીઓને સમજાવી હતી. આ સમયે કિરીટભાઈ શા.પટેલ, સંજયભાઈ શહેરાવાળા, અનિલભાઈ ગાંધી, તેમજ બાલમંદિરના સભ્યો હાજર રહ્યા હતા.

ઉમરેઠ વાંટા સ્ટ્રીટ

6

ઉમરેઠના વાટાં સ્ટ્રીટ વિસ્તારમાં સરદાર પટેલની પ્રતિમાં પાસે ૬૭માં પ્રજાસત્તાક દિવસની ઉજવણીના ભાગરૂપે ધ્વજ વંદન કરવામાં આવ્યું હતું. આ પ્રસંગે ઉમરેઠ પોલીસ સ્ટેશનના કર્મચારીઓ ખાસ ઉપસ્થીત રહ્યા હતા. ધ્વજ વંદન કાર્યક્રમમાં સદર વિસ્તારના સ્થાનિકો સહીત નગરજનો મોટી સંખ્યામાં ઉપસ્થીત રહ્યા હતા અને દેશ પ્રત્યે પોતાનો પ્રેમ વ્યક્ત કર્યો હતો.

ઉમરેઠ એચ.એમ.દવે હા.સ્કૂલમાં પ્રજાસત્તાક દિવસની ઉજવણી.

7

ઉમરેઠની એચ.એમ.દવે હા.સ્કૂલમાં ૬૭માં પ્રજાસત્તાક દિવસની ઉજવણી ઉત્સાહભેર કરવામાં આવી હતી. કાર્યક્રમની શરૂઆતમાં શાળાની વિદ્યાર્થીનીઓ દ્વારા પ્રાર્થના ગીત રજૂ કરવામાં આવ્યું હતું. શાળાન આચાર્ય કે.જે.પારેખે સ્વાગત પ્રવચન કરી ઉપસ્થિત મહેમાનોને શાબ્દીક આવકાર આપ્યો હતો અને શાળાની શિક્ષિકા કિરણબેન દવેએ મહેમાનોનો પરિચય આપ્યો હતો. પ્રજાસત્તાક દિવસ નિમિત્તે નગરના ખ્યાતિમાન ર્ડો.અખિલેશ શાહના વરદ હસ્તે ધ્વજ વંદક કાર્યક્રમ યોજાયો હતો. શાળાના વિદ્યાર્થીઓ દ્વારા આ સમયે સાંસ્કૃતિક કાર્યક્રમો રજૂ કરવામાં આવ્યા હતા. સદર સમારોહમાં સંસ્થાના પ્રમુખ અશ્વીનભાઈ શેલત, રોટર ક્લબના પ્રમુખ ધનંજય શુક્લ, સદભાવના પરિવાર ટ્રસ્ટ્રના પ્રમુખ કમલભાઈ વ્યાસ (પેઈન્ટર), સી.સી મહેન્દ્રભાઈ શાહ, ખેડાવાડ જ્ઞાતિના પ્રમુખ દેવેન્દ્રભાઈ પંડ્યા તેમજ કનુભાઈ પટેલ (કોન્ટ્રાક્ટર) ખાસ ઉપસ્થીત રહ્યા હતા. સભાનું સંચાલન અતુલભાઈ શાહએ કર્યું હતુ અને આભાર વિધિ શિક્ષક પઢીયારે કરી હતી.

ઉમરેઠમાં રાષ્ટ્રીય મતદાર દિવસની ઉજવણી.


best_blo

ઉમરેઠ નગરપાલિકાના ટાઉનહોલ ખાતે મામલતદાર કચેરી દ્વારા રાષ્ટ્રીય મતદાર દિવસની ઉજવણીના ભાગરૂપે શિબિરનું આયોજન કરવામાં આવ્યું હતુ. સદર શિબિરમાં જિલ્લા પુરવઠા અધિકારી આર.ટી.ઝાલા તેમજ ઉમરેઠ તાલુકા મામલતદાર સી.વી.પટેલ ખાસ ઉપસ્થિત રહ્યા હતા. પ્રાસંગીક સંબોધન કરતા પુરવઠા અધિકારી આર.ટી.ઝાલાએ જણાવ્યું હતુ કે, મતદારોએ મતદાનના પોતાના મૂળભૂત હક્કનો અવશ્ય ઉયયોગ કરવો જોઈયે. તેઓએ ઉપસ્થીત લોકોને મતદાન કરવા માટે પ્રતિજ્ઞા લેવડાવી હતી. સદર શિબિરમાં નવા પ્લાસ્ટીકના ચુટણી કાર્ડ તેમજ ચુંટણીપંચ દ્વારા પ્રાપ્ત બેઝનું વિતરણ કરવામાં આવ્યું હતું. શ્રેષ્ઠ બી.એલ.ઓ તરીકે નિતિનભાઈ સુથારને સન્માનીત કરવામાં આવ્યા હતા. સમગ્ર કાર્યક્રમનું સફળ સંચાલન ઉમરેઠ મામલતદાર કચેરીના ના.મામલતદાર મનીષભી ભોઈએ કર્યું હતું. 

ઉમરેઠ પોલીસ દ્વારા સોસાયટી વિસ્તારના રહીશોને માર્ગદર્શન આપવામાં આવ્યું.


police_1શિયાળાના સમય દરમ્યાન રાત્રીના સમયે ચોરીના વધતા જતા બનાવો થી બચવા માટે ઉમરેઠ પોલીસ દ્વારા ઉમરેઠની સોસાયટી વિસ્તારના લોકોને તકેદારી તેમજ સાવચેતીના પગલા લેવા માટે માર્ગદર્શન આપવા એક બેઠકનું આયોજન કરવામાં આવ્યું હતું. આ બેઠકમાં ઉમરેઠની ગોવર્ધન પાર્ક, અંકિત એવન્યું,યોગીપાર્ક સહીત હાઈ-વે પર આવેલ અન્ય સોસાયટીના રહીશો ઉપસ્થીત રહ્યા હતા. આ સમયે ઉમરેઠ પોલીસ સ્ટેશનના પી.એસ.આઈ જે.એન.ગઠવીએ ઉપસ્થીત સોસાયટીના રહીશોને સંબોધન કરતા જણાવ્યું હતુ કે, શિયાળા દરમ્યાન રાત્રીના સમયે તસ્કરો મોટા ભાગે બંધ ઘરને નિશાન બનાવતા હોય છે, જેથી ઘર બંધ કરીને બહાર ગામ જતા સમયે ઘરની બહાર બે-ત્રણ જોડી ચંપલ બહાર રાખવા જોઈયે, આ ઉપરાંત થોડા કપડા પણ ઘરની બહાર સુકાવવા મુકવા જોઈયે તેમજ રાત્રીના સમયે બધી લાઈટો બંધ રાખવાની જગ્યાએ ઘરમાં નાની ડીમ લાઈટ ચાલુ રાખવા સુચન કર્યુ હતું. આ ઉપરાંત તેઓએ જણાવ્યું હતુ કે ઘર બંધ કરી તમામ સભ્યો બહાર જવાના હોય ત્યારે કિંમતી ચીજ વસ્તુઓ બેંકમાં અથવા કોઈ વિશ્વાસુ સબંધી કે મિત્રોને ત્યાં રાખવા જણાવ્યું હતું. બપોરના સમયે ઘરમાં મહિલાઓ એકલી હોય ત્યારે સોસાયટીમાં ફેરિયા કે અન્ય અજાણ્યા લોકોને દાખલ ન થવા દેવા તેઓએ ભાર પૂર્વક સલાહ આપી હતી. સોસાયટીમાં વોચમેન કે અન્ય ગુરખા રાખવામાં આવ્યા હોય તો તેની જાણ પોલીસ મથકે કરી તે પોતાની ફરજ વ્યવસ્થીત ર્રીતે કરે છે કે નહી તેની સમીક્ષા કરવા સલાહ આપી હતી. પી.એસ.આઈ જે.એન.ગઢવીએ કોઈ પણ અનિચ્છ્નીય પરિસ્થિતીમાં વિના સંકોચ પોલીસની મદદ લેવા પ્રજાજનોને અપીલ કરી હતી. સદર બેઠકમાં ઉપસ્થીત ઉમરેઠ નગરપાલિકાની લાઈટ કમિટીના ચેરમેન કનુભાઈને સોસાયટી વિસ્તારની જે સ્ટ્રીટ લાઈટ બંધ હોય તે સત્વરે ચાલુ કરવા યોગ્ય કાર્યવાહી કરવા જણાવ્યું હતું. કનુભાઈ શાહએ આ અંગે સકારાત્મક અભિગમ દાખવવા બાંહેધરી આપી હતી

શ્રધ્ધાંજલી


શ્રધ્ધાંજલી

ATUL 

અતુલ કનૈયાલાલ શાહ  – (વસંત મસાલાવાળા)

જન્મ – ૮.૮.૧૯૫૮ મૃત્યુ – ૧૭.૧.૨૦૧૬

તમારી અણધારી વિદાય હજૂ માનવામાં નથી આવતી.

લાગે છે, માત્ર માણસ થી જ નહી ભગવાન થી પણ ભૂલ થઈ જાય છે.

લી.

સત્કાર ફ્રેન્ડ્સ સર્કલ – ઉમરેઠ

                       ટીનાભાઈ દોશી                                   નિતિનભાઈ શેઠ (જાગનાથ)

                        શશીનભાઈ શાહ                                        સંજયભાઈ દેસાઈ

                       જયેશ બાવાવાળા                              પંકજભાઈ તલાટી (દિપકલા)

                        જીતુભાઈ શાહ                                           કિરીટભાઈ શાહ

                         નરેશભાઈ પોલા                                  ભારતીબેન સુનિલભાઈ શાહ

                      ઉપેન્દ્રભાઈ ચોકસી                                  ભરત શાહ (ઠાસરા)

_______________________________________________

અમારા પરમ મિત્ર અતુલ કે.શાહનું બેસણુંતા.૨૯.૧.૨૦૧૬ને શુક્રવારના રોજ

સવારે.૯ થી ૧૦.૩૦ કલાકે  – નાસિકવાળા હોલ, ઉમરેઠ ખાતે રાખેલ છે.

અવસાન નોંધ / બેસણું


ઉમરેઠના ચંન્દ્રકાન્તભાઈ ચુનીલાલ કાકબવાળાનું તા.૭.૧.૨૦૧૬ને મંગળવારના રોજ અવસાન થયેલ છે.

chandrakantbhai

સદગતનું બેસણું : તા. ૧૯.૧.૨૦૧૬ને મંગળવારના રોજ

સવારે ૯ થી ૧૦.૩૦ 

સ્થળ – નાશિકવાળા હોલ,ઓડ બજાર ઉમરેઠ 

ઉમરેઠ નગરપાલિકામાં કાયમી ચીફ ઓફિસરની નિમણુક કરવા રજૂઆત.


હંગામી ચીફ ઓફિસરને કારણે પ્રજાના કામો ટલ્લે ચઢે છે. ઉમરેઠ નગરપાલિકામાં છેલ્લા કેટલાય સમય થી કાયમી ચીફ ઓફિસર ન હોવાને કારણે પ્રજાજનોના કામ ટલ્લે ચઢે છે. અઠવાડિયામાં બે-ત્રણ દિવસ પાલિકામાં હાજર રહેતા હંગામી ચીફ ઓફિસર પર કામનું ભારણ પણ વધારે હોવાથી તેઓ પણ પોતાના પદને યોગ્ય ન્યાય આપી શકતા નથી. આ અંગે ઉમરેઠ શહેર કોગ્રેસ પ્રમુખ શૈલેષભાઈ પટેલે શહેરી વિકાસ મંત્રી નિતિનભાઈ પટેલને પત્ર લખી ઉમરેઠ ખાતે કાયમી ચીફ ઓફિસર ની નિમણુક કરવા માટે રજૂઆત કરી હતી.

તેઓએ જણાવ્યું હતુ કે ઉમરેઠ નગરપાલિકામાં છેલ્લા કેટલાય સમય થી કાયમી ચીફ ઓફિસર નથી, આ અંગે જિલ્લા કક્ષાએ પણ રજૂઆતો કરવામાં આવી હતી પરંતુ હજૂ પરિણાત્મક પગલા ભરવામાં આવ્યા નથી. તેઓએ ઉમેર્યું હતુ કે નગરપાલિકામાં કાયમી ચીફ ઓફિસરની નિમણુક કરવામાં આવશે તો પ્રજાલક્ષી કામનો સત્વરે નિકાલ આવશે અને ગામનો વિકાસ પણ ઝડપી થશે.

ઉમરેઠ શહેર ભાજપ પ્રમુખ પદે સુજલ શાહને રીપીટ – તાલુકા ભાજપ પ્રમુખ પદે નરેન્દ્રસિંહ ચૌહાણની વરણી


શહેર પ્રમુખ પદે સુજલ શાહ અને તાલુકા પ્રમુખ પદે નરેન્દ્રસિંહ ચૌહાણની સર્વાનુમતે વરણી.

ઉમરેઠના સિનિયર સિટીઝન હોલ ખાતે ભાજપના હોદ્દેદારો અને કાર્યકરોની મળેલી બેઠકમાં ઉમરેઠ શહેર અને તાલુકા ભાજપના પ્રમુખ પદની વરણી કરવામાં આવી હતી. ઉમરેઠ શહેર ભાજપ પ્રમુખ પદે સુજલ શાહ તેમજ ઉમરેઠ તાલુકા ભાજપ પ્રમુખ પદે નરેન્દ્રસિંહ ચૌહાણની વરની કરવામાં આવી હતી. બંન્ને પ્રમુખોને પૂર્વ ધારાસભ્ય વિષ્ણુભાઈ પટેલે અભિનંદન આપ્યા હતા.

ઉમરેઠ પોલીસ દ્વારા ટ્રાફિક સપ્તાહની ઉજવણી.


psi

આજે ઉમરેઠ ઓડ ચોકડી ખાતે ઉમરેઠ પોલીસ દ્વારા ટ્રાફિક સપ્તાહની ઉજવણી કરવામાં આવી હતી. ટ્રાફિક સપ્તાહની ઉજવણીના ભાગરૂપે ઓડ ચોકડી વિસ્તાર માંથી પસાર થતા વિવિધ વાહન ચાલકોને ટ્રાફિકના નિયમો અંગે માર્ગદર્શન આપવામાં આવ્યું હતું તેમજ ટ્રાફિકના નિયમો નું પાલન કરવા માટે તેઓને સમજાવવામાં આવ્યા હતાઆ સમયે ટ્રાફિકના નિયમોની અનદેખી કરી કેવી રીતે અકસ્માત સર્જાય છે તે અંગે લોકોને જાગૃત કરી ઉમરેઠ પોલીસે વાહન ચાલકોને માર્ગ દર્શન પૂરુ પાડ્યું હતું. આ સમયે ઉમરેઠ પોલીસ સ્ટેશનના પી.એસ.આઈ જે.એન.ગઢવી, ટી.જે.દેસાઈ સહીત ટ્રાફિક શાખાના ભાનુભાઈ ઠાકોર અને પોલીસ કર્મીઓ ઉપસ્થિત રહ્યા હતા.

ઉમરેઠની નવા-જુની


ફ્રી વાઈ-ફાઈ પ્રોજેક્ટમાં “ERROR” ..!

 

Free-Wifi-2.jpg-2ઉમરેઠમાં ફ્રી વાઈ-ફાઈ પ્રોજેક્ટમાં “એરર” આવી છે. હવે ઉમરેઠમાં ફ્રી ફાઈ-ફાઈ શરૂ નહી થાય. ઉલ્લેખનીય છે કે, ઉમરેઠ નગરપાલિકાના પૂર્વ પ્રમુખ સંજયભાઈ પટેલ દ્વારા નગરમાં ફ્રી વાઈ-ફાઈ સેવા માટે આયોજન કરવામાં આવ્યું હતું. આ માટે જરૂરી ટેન્ડર પ્રકિયા પણ પૂર્ણ કરી દેવામાં આવી હતી, પરંતુ અચાનક ચુંટણી જાહેર થતા આચાર સહીતાને કારણે વાઈ-ફાઈ સેવા શરૂ થઈ શકી ન હતી. ચુંટણી બાદ વાઈ-ફાઈ સેવા શરૂ થશે તેમ નગરના યુવાનો માનતા હતા. પરંતુ સંજયભાઈ પટેલની ચુંટણીમાં હાર થતા ઉમરેઠ પાલિકામાં નવા બોર્ડ દ્વારા ફ્રી વાઈ-ફાઈ સહીત અન્ય પ્રોજેક્ટો રદ કરવામાં આવ્યા હતા.

 

ઉમરેઠમામ શ્રી ગુંસાઈજીના ૫૦૧માં જન્મ દિવસની ઉજવણી.

01SOBHAYATRA

ઉમરેઠમાં શ્રી ગુંસાઈજીના ૫૦૧માં જન્મ દિવસની ઉજવણી અરવિંદભાઈ સુત્તરીયા પરિવારના યજમાન પદે ભક્તિભેર કરવામાં આવી હતી. આ પ્રસંગે શેઠવગા ખાતે થી પ્રભાતભેરી,શોભાયાત્રાનું ભવ્ય આયોજન કરવામાં આવ્યું હતું. શ્રી ગુંસાઈજીના જન્મ દિવસે નિકળેલ શોભાયાત્રામાં મોટી સંખ્યામાં જોડાયા હતા અને શ્રી ગોસાઈજીના દર્શન કરી ધન્યતાનો અનુભવ કર્યો હતો.

ઉમરેઠ નગરપાલિકાની શિક્ષણ કમીટીના ચેરમેનનું રાજીનામું

ઉમરેઠ નગરપાલિકાની શિક્ષણ કમિટીના ચેરમેન શારદાબેન પટેલે ચેરમેન પદે થી રાજીનામું આપી દીધુ છે. ઉલ્લેખનીય છે કે, આ પહેલા બાગ-બગીચા કમિટીના ચેરમેન અમીનાબીબી મલેકે પણ પોતાનું રાજીનામું આપ્યું હતું. ઉપરા છાપરી બે કમિટીના ચેરમેન દ્વારા રાજીનામું આપવામાં આવતા નગરના રાજકિય વર્તુળોમાં અનેક તર્ક વિતર્ક થઈ રહ્યા છે.

સેંટ ઝેવિયર્સ સ્કૂલમાં સ્વેટર માટે રૂ.૪૦૦નું ઉઘરાણું

ઉમરેઠની પ્રતિષ્ઠીત સેંટ ઝેવિયર્સ સ્કૂલમાં વિદ્યાર્થીઓ પાસે થી ફરજિયાત સ્વેટર માટે રૂ.૪૦૦ ઉઘરાવ્યા હોવાનું વાલીઓ કહી રહ્યા છે. વાલીઓનો તર્ક છે કે આવી પધ્ધતિ ઈન્ટરનેશનલ ખાનગી સ્કૂલોમાં હોય છે જ્યાં ફરજિયાત સ્કૂલ દ્વારા શૈક્ષણિક સાહીત્યો સહીત યુનિફોર્મ ખરીદવા ફરજ પાડવામાં આવે છે, આ દુષણ થી દૂર રહેવા સ્થાનિક સ્કૂલમાં વિદ્યાર્થીને તેઓ ભણવા મોકલે છે હવે, સ્થાનિક સ્કૂલ દ્વારા પણ આજ રીતે ઉઘરાણું કરવામાં આવશે તો ગરીબ વિદ્યાર્થીઓનું શું, આ અંગે સ્કૂલના આચાર્યનો મત જાણવા પ્રયાસ કર્યો હતો, પરંતુ શાળામં તેઓ હાજર ન હતા. સ્કૂલના સુત્રોએ જણાવ્યું હતુ કે સ્વેટર સ્કૂલમાં આવી ગયા છે, અને વિદ્યાર્થીઓને સત્વરે આપી દેવામાં આવશે. (ભા’ઈ અડધો શિયાળો પણ પતી ગયો)

ઉમરેઠ બસ સ્ટેશનમાં અંધારપટ્ટને કારણે મહિલા મુસાફરો પરેશાન.


બસ સ્ટેશનમાં અપુરતી સ્ટ્રીટ લાઈટને કારણે સંધ્યાકાળ પછી મુસાફરો અસલામતીનો અહેસાસ કરે છે.

ઉમરેઠ બસ સ્ટેશન મુસાફરો માટે અસુવિધાનો અડ્ડો બની ગયું છે. હાલમાં ઉમરેઠ બસ સ્ટેશન પર માત્ર ચાર-કે પાંચ જ સ્ટ્રીટ લાઈટ ચાલતી હોવાને કારણે સમગ્ર બસ સ્ટેશનમાં અંધારપટ્ટ જેવી પરિસ્થિતી પેદા થઈ છે. જેના કારણે સંધ્યાકાળ પછી મુસાફરી કરતા મુસાફરો અસુરક્ષાની લાગણી વ્યક્ત કરી રહ્યા છે. વધુમાં પ્રાપ્ત માહિતી મુજબ ઉમરેઠના બસ સ્ટેશનમાં સુલભ શૌચાલય,કેન્ટીન અને પુછપરછ બારી પર જ સ્ટ્રીટ લાઈટો મુકવામાં આવી છે અન્ય પ્લેટફોર્મ કે બસ સ્ટેશનના પ્રવેશ દ્વાર પાસે સ્ટ્રીટ લાઈટનો અભાવ હોવાને કારને મહિલા તેમજ વૃધ્ધ મુસાફરો મુશ્કેલીઓનો સામનો કરી રહ્યા છે. સાંજના સમયે બસ જ્યારે બસ સ્ટેશનમાં પ્રવેશ કરે છે ત્યારે લાઈટોના અભાવે બોર્ડ વાંચવામાં પણ મુસાફરોને અગવડતા પડે છે, ઉપર થી બસ નિયત પ્લેટફોર્મ પર ન ઉભી રહેતી હોવાને કારણે મુસાફરોએ અંધારામાં બસ પાછળ દોડાડોડી કરવાની ફરજ પડે છે. કેટલાક મુસાફરો તો આવા સમયે પડી ગયા હોવાના બનાવો પણ ભૂતકાળમાં બન્યા છે જેનો દાખલો લઈને પણ એસ.ટી તંત્ર હજૂ જાગ્યું નથી. ઉલ્લેખનીય છે કે સાંજે સાંત થી નવ વાગ્યાના સમયમાં ઉમરેઠ થી આણંદ,નડિયાદ સહીત અમદાવાદ અને વડોદરા જવા મોટી સંખ્યામાં મુસાફરો આવતા હોય છે, તેઓને અપુરતી સ્ટ્રીટ લાઈટને કારણે ભારે મુશ્કેલીઓનો સામનો કરવો પડે છે ત્યારે એસ.ટી તંત્ર આ અંગે ઘટતુ કરે તેવી લો લાગણી સાથે માગણી પ્રવર્તમાન બની છે. બસ સ્ટેશનમાં અપુરતી સ્ટ્રીટ લાઈટ સહીત પ્લેટફોર્મ પર બસ ન ઉભી રહેતી હોવાની પણ સમસ્યા મુસાફરોને હેરાન કરી રહી છે. પ્લેટફોર્મનું વ્યવસ્થીત એરેન્જમેન્ટ ન હોવાને કારણે ડ્રાઈવરો પ્લેટફોર્મ પર બસ ઉભી રાખતા નથી અને મુસાફરોએ બસ પાછળ પકડદાવ રમવો પડે છે, આ અંગે ધારાસભ્ય જયંતભાઈ પટેલ(બોસ્કી) સહીત નગરજનોએ એસ.ટી.તંત્ર સહીત વહીવટી તંત્રને પણ રજૂઆત કરી હોવા છતા કોઈ પરિણાત્મક પગલા આજદીન સુધી લેવાયા નથી. જો આમને આમ ઉમરેઠ બસ સ્ટેશન લોકો માટે અસુવિધાનો અડ્ડો જ બની રહેશે તો આવનારા સમયમાં ઉમરેઠના શાંતિ પ્રિય લોકો બસ રોખો આંદોલન પણ કરે તો નવાઈ નહી.

બસ સ્ટેશનમાં સ્ટ્રીલ લાઈટો પૂરતી છે. – ડેપો મેનેજર, ડાકોર

ઉમરેઠ બસ સ્ટેશનમાં અપુરતી સ્ટ્રીટ લાઈટ અંગે ડાકોર બસ ડેપોના મેનેજરને વાત કરતા તેઓએ જણાવ્યું હતુ કે, ઉમરેઠ બસ સ્ટેશનમાં સ્ટ્રીટ લાઈટો ચાલુ જ છે, છતા પણ ઉમરેઠ બસ સ્ટેશનમાં સ્ટ્રીટ લાઈટો અપુરતી હશે તો તેની સમીક્ષા કરી યોગ્ય કાર્યવાહી કરવામાં આવશે. બસ સ્ટેશનમાં નિયત કરેલ પ્લેટફોર્મ પર બસ ન ઉભી રહેતી હોવાની ફરિયાદ અંગે ડેપો મેનેજરે મૌન સેવ્યું હતુ.

ઉમરેઠ પાસે યુવાનની હત્યા કરી પગ છુટા પાડી દીધેલી લાશ મળી


પોલીસે અકસ્માતનો ગુનો દાખલ કર્યો : લૂંટના ઈરાદે ટ્રકના ચાલકની હત્યા કરાઈ હોવાની સેવાતી શંકા, ક્રીમ ભરેલી ટ્રકનો પણ કોઈ અત્તો પત્તો નથી.

ઉમરેઠ-ડાકોર રોડ ઉપર આવેલા અર્થ પેટ્રોલપંપ પાસેથી આજે સવારના સુમારે અત્યંત ઘાતકી રીતે હત્યા કરાયેલી એક યુવાનની લાશ મળી આવતાં સમગ્ર વિસ્તારમાં ભારે અરેરાટી વ્યાપી જવા પામી છે. પોલીસે જો કે હાલમાં તો અકસ્માતથી મોતનો ગુનો દાખલ કરીને પીએમ રીપોર્ટ પર બધુ મુલતવી રાખ્યું છે. પરંતુ પ્રાથમિક તપાસમા આ લૂંટ વીથ મર્ડરનો કેસ હોવાનું ચર્ચાઈ રહ્યું છે.

પ્રાપ્ત વિગતો અનુસાર ઉમરેઠ-ડાકોર રોડ ઉપર આવેલા અર્થ પેટ્રોલપંપ પાસે લાઈવ ઢોકળાનો ધંધો કરતાં ભરતભાઈ મણીભાઈ પટેલ આજે સવારના સાતેક વાગ્યાના સુમારે પોતાની દુકાને જતા હતા ત્યારે રોડની સાઈડે એક યુવાનની લાશ પડી હતી. લાશ જોતાં ૪૨ વર્ષના પુરૂષની આ લાશના મોઢાના ભાગે , માથામાં તથા કમરના ભાગે ઈજાના તી-ણ હથિયારના ઈજાના ચીહ્નો મળી આવ્યા હતા તથા બન્ને પગ પેટના ભાગેથી છુટા પડી ગયેલા હતા. જેથી તેમણે તુરંત જ ઉમરેઠ પોલીસને જાણ કરતાં પોલીસ કાફલો ઘટના સ્થળે ઘસી આવ્યો હતો અને તપાસનો ધમધમાટ તેજ કર્યો હતો. જમાં પ્રાથમિક દ્રષ્ટીએ કોઈએ હત્યા કર્યા બાદ લાશ ઉપર ટ્રક ફેરવી દઈને પગ છુટા પાડી દીધાનું મનાઈ રહ્યું છે. પોલીસે મોતનંા કારણ જાણવા માટે લાશને કરમસદની શ્રીકૃષ્ણ હોસ્પિટલમાં મોકલી આપી હતી. જ્યાં પેનલ ડોક્ટર દ્વારા પીએમ કરવામાં આવ્યું હતુ. પરંતુ કોઝ ઓફ ડેથ જાણવા મળ્યુ નથી. ડોક્ટરોએ મંગળવારે પીએમ રીપોર્ટમાં તેનો ખુલાસો કરવાનું જણાવ્યું છે. જેથી હાલમાં પોલીસે કોઈ અજાણ્યા વાહન ચાલક સામે ગુનો દાખલ કરીને તપાસ હાથ ઘરી છે.

સુત્રોના જણાવ્યા અનુસાર પોલીસને કેટલીક કડીઓ પ્રાપ્ત થઈ છે તે અનુસાર આ યુવાન ટ્રક ચાલક હોવાનું ખુલવા પામ્યું છે તે જે ટ્રક લઈને નીકળ્યો હતો તે ટ્રક પણ ગાયબ છે. ટ્રકમાં ક્રીમ ભર્યું હોવાનું કહેવાઈ રહ્યું છે. પોલીસે ટ્રકના માલિકને શોધી કાઢીને લાશને ઓળખવિધિ માટે ઉમરેઠ બોલાવ્યા છે. જેઓ આવતીકાલ સુધીમાં આવી જાય તેવી શક્યતાઓ જોવાઈ રહી છે. તેઓ આવ્યા બાદ લાશ ખરેખર તેમના જ ટ્રક ચાલકની છે કે પછી બીજા કોઈની ? દમણ પાસીંગની ટ્રક પણ ગાયબ છ ેજેનો હજી સુધી કોઈ પત્તો લાગ્યો નથી જેથી એવું કહેવાઈ રહ્યું છે. લૂંટના ઈરાદે જ ટ્રકના ચાલકની તી-ણ હથિયારના ઘા મારીને હત્યા કરી નાંખ્યા બાદ અકસ્માતમાં ખપાવવા માટે લાશને રોડ ઉપર સુવડાવી દઈને પેટના ભાગે ટ્રક ફેરવી દેવામાં આવી જોઈએ.

કુરૂક્ષેત્ર અને રાજસ્થાનથી ડીઝલ ભરાવ્યાનું ખુલ્યું

ઉમરેઠ-ડાકોર રોડ ઉપર આવેલા એક પેટ્રોલપંપ પાસેથી મળેલી એક યુવાન ટ્રક ચાલકની સંદિગ્ધ લાશની તપાસ કરી રહેલી પોલીસને કેટલીક મહત્વપુર્ણ વિગતો પ્રાપ્ત થઈ છે. પોલીસને મરણ ગયેલા યુવાનના ખીસ્સામાંથી એક પેટ્રોલપંપની ચિઠ્ઠી મળી આવી છે જેમાં કુરુક્ષેત્ર ખાતે આવેલા ભારત પેટ્રોલિયમના કાવેરી ફ્યુઅલ સેન્ટરમાંથી ડિઝલ લીધુ છે આ ઉપરાંત રાજસ્થાનથી પણ ડિઝલ પુરાવ્યાની વિગતો જાણવા મળી છે. આ કડીઓના આધારે પોલીસની જુદી-જુદી ટીમો તપાસના કામે લાગી ગઈ છે.

ઉમરેઠમાં નહેરનું પાણી ખેતરોમાં ફરી વળતાં લાખોનું નુકસાન


તળાવમાં પાણી ભરવા બનાવેલ ભૂંગળામાં કચરા સહિતની વસ્તુઓ ભરાતાં વૈકલ્પિક વ્યવસ્થા માટે નહેરની પાળી તોડતાં બનેલો બનાવ.

ઉમરેઠ થામણા માર્ગ ઉપર આવેલ ઠાસરા મહીકેનાલના પેટા સિંચાઈ વિભાગની વીઆરબી પાઈપ પેટા નહેરમાંથી રામ તળાવમાં પાણી ભરવામાં આવે છે. જે માટે નહેરમાં ભૂંગળુ લગાવવામાં આવ્યુ હતુ. જેમાં કચરો ભરાઈ જતાં નહેરની પાળી તોડી પાણી રામ તળાવમાં પહોંચાડવાની વ્યવસ્થા કરવામાં આવી હતી. જે પાણી આસપાસના ખેતરોમાં ભરાઈ જતા મહામૂલો પાક નાશ થતાં લાખોનું નુકસાન થયુ હોવાનું ખેડૂતો જણાવી રહ્યા છે.

ઉમરેઠ થામણા માર્ગ ઉપર આવેલ ઠાસરા મહીકેનાલ પેટા સિંચાઈ વિભાગની વીઆરબી પાઈપ પેટા નહેરની આસપાસના ખેડૂતો ધવલભાઈ હર્ષદભાઈ પટેલ, અંબાલાલ પટેલ, નટુભાઈ પટેલ, નિલેશભાઈ પટેલ, રીતેશભાઈ પટેલે જણાવ્યું હતું કે આ પેટા નહેરમાં છેલ્લાં કેટલાય સમયથી દારૂની ખાલી બોટલો નાખવામાં આવી રહી છે. જેના કારણે આ નહેરના ભૂંગળા ખાલી બોટલો, કાંસનો કચરો, પ્લાસ્ટિકના ગ્લાસ અને બાઈટીંગના પેકેટોના કારણે જામ થઈ ગયા હતા. જેના કારણે પેટા નહેરનું પાણી આગળ જઈ શકતું ન હતું. પેટા નહેરમાં પાણીનો ભરાવો થઈ રહ્યો હતો. દર વખતની જેમ આ વખતે પણ પાલિકાએ રામ તળાવમાં પાણી ભરવા માટેના ભૂંગળા કચરા સહિતની અન્ય વસ્તુઓના કારણે જામ થઈ જતાં વેકલ્પિક વ્યવસ્થાના ભાગરુપે નહેરની પાળી તોડી હતી. જેના કારણે પાણી અમારા ખેતરોમાં ઘૂસી ગયા હતા અને અમારા તૈયાર થયેલ ઘઉં, ટામેટી તથા તમાકુના ઊભા પાકમાં પાણી ફરી વળ્યા હતા અને પાકને લાખોનું નુકસાન થયું છે.

આ અંગે ઠાસરા પેટા સિંચાઈ વિભાગના ડે.એન્જિનિયર બી.જી. પટેલે જણાવ્યુ હતું કે તળાવમાં પાણી ભરવાની મંજૂરી મૌખિક આપી હતી એની કોઈ લેખિત મંજૂરી આપી નહતી અને વીઆરબી પાઈપમાં દારૂની ખાલી બોટલો, કાંસનો કચરો તથા બાઈટીંગના પેકેટોના કચરાથી પાઈપ જામ થઈ જવાની બાબતે પૂછતા તેમને જણાવ્યું હતું કે અમારી પાસે એટલો સ્ટાફ નથી માટે બધે ચેકિંગ રાખવું શક્ય નથી.

2002

ઉમરેઠની નવાજૂની..


2505

Exlusive dulha collection
Shervani Fabrics
available at :
GANDHI DHIRUBHAI JITENDRAKUMAR
Nr Bank Of Baroda , Kharadi Ni Kodh

Click Link to See More Image : http://aapnuumreth.org/gandhidj/

Note – Only Fabrics of all Shervanis are Available, We are able to make Ready as par yours requirement. you are free to make change in design and color as you like. feel free to contact us on Indian office time for any query. pls click on image to zoom.(you may change colour and design as par your choice) for more information you may call us.
(Indian office time only)

નાતાલ પર્વની ઉજવણી

ઉમરેઠમાં નાતાલ પર્વની ખ્રિસ્તી સમુદાય દ્વારા ઉજવણી કરવામાં આવી હતી. નાતાલ પર્વ નિમિત્તે ઉમરેઠના સ્ટેશન રોડ વિસ્તારમાં આવેલ ચર્ચ ખાતે તેમજ સેંટ ઝેવિયર્સ સ્કૂલ ખાતે વિશેષ પ્રાર્થના સભા યોજાઈ હતી. આ સમયે ખ્રિસ્તીભાઈ-બહેનો મોટી સંખ્યામાં ઉપસ્થિત રહ્યા હતા અને એક બીજાને શુભેચ્છા વ્યક્ત કરી હતી.

ઉમરેઠમાં ઈદ પર્વની ઉજવણી

ઉમરેઠમાં ઈદ પર્વની ઉત્સાહભેર ઉજવણી કરવામાં આવી હતી. આ પ્રસંગે મુસ્લીમ બિરાદરોએ એક બીજાને શુભેચ્છા પાઠવી હતી. બપોર બાદ નગરના ઓડ બજાર, કસ્બા તેમજ વડાબજાર વિસ્તાર માંથી ઝુલુસ નિકળ્યા હતા જેમાં મુસ્લીમ બિરાદરોએ વિવિધ કરતબો કરી લોકોને મંત્રમુગ્ન કરી દીધા હતા. ઝુલુસ નગરના વિવિધ વિસ્તારમાં ફર્યું હતુ. ઝુલુસ શાંતિપૂર્ણ સંપન્ન કરાવવા માટે ઉમરેઠ પોલીસે ચુસ્ત બંદોબસ્ત ગોઠવ્યો હતો.

પટેલ સમાજનું ગૌરવ

ઉમરેઠના અરવિંદભાઈ એલ.પટેલ(વકીલ)સતત ત્રીજીવાર ઉમરેઠ નગરપાલિકાની ચુંટણીમાં વિજેયતા થયા હતા. ઉલ્લેખનીય છે કે તેઓ ત્રણેય વખત સૌથી વધુ લીડથી જીતવાનો વિક્રમ નોંધાવ્યો હતો. ભાજપ પક્ષના વફાદાર એવા અરવિંદભાઈ પટેલને ઉમરેઠ નગરપાલિકામાં સ્ટેન્ડીંગ કમિટીના ચેરમેન તરીકે નિમણુક કરવામાં આવી છે. અરવીંદભાઈ પટેલ નોટરી વકીલ તરીકે પણ પોતાની સેવાઓ આપી રહ્યા છે.

લાલ દરવાજા પીક-અપ બસ સ્ટેન્ડ પાસે અકસ્માત

તાજેતરમાં ઉમરેઠના લાલ દરવાજા વિસ્તારમાં આવેલ પીક-અપ બસ સ્ટેન્ડ પાસે સાયકલ સવારને ટ્રકે ટક્કર મારતા સાયકલ ચાલકનું કમકમાટી ભર્યું મોત નિપજ્યું હતું. ગફલતભરી રીતે ટ્રક હંકારતા અકસ્માત સર્જાયો હતો,ઉમરેઠ પોલીસે આ અંગે મૃતકના ભાઈની ફરિયાદના આધારે ગુન્હો દાખલ કરી વધુ તપાસ હાથ ધરી હતી.

કુબેર ભંડારી મહાદેવના નવનિર્માણ અર્થે શીલાપુંજન

ઉમરેઠ થામણા ચોકડી વિસ્તારમાં આવેલ કુબેર ભંડારી મહાદેવના જીર્ણોધ્ધાર અર્થે શીલાપુજન વિધિ કથાકાર પ.પૂ.રમેશભાઈ ઓઝા(પૂ.ભાઈશ્રી)ના હસ્તે સંપન્ન કરવામાં આવી હતી. આ પ્રસંગે ઉમરેઠ સંતરામ મંદિરના મહંતશ્રી ગણેશદાસજી મહારાજ ઉપસ્થિત રહ્યા હતા.

ઉમરેઠ નગરપાલિકાના પ્રમુખની ઓફિસનું નવનિર્માણ

ઉમરેઠ નગરપાલિકાના પ્રમુખની ઓફિસનું નવનિર્માણ હાથધરવામાં આવેલ છે. ઉલ્લેખનીય છે કે, આ પહેલા પ્રમુખની ઓફિસ નાની હતી જેમાં જુજ મુલાકાતીઓ બેસી સકતા હતા, હવે ઓફિસ સુવિધાજનક બનાવવા માટે કામ શરૂ થઈ ગયું છે.

ઉમરેઠ તાલુકા પંચાયત કચેરીના પટાંગણમાં બ્લોગ નાખવમાં આવશે.

ઉમરેઠ તાલુકા પંચાયત કચેરીના પટાંગણમાં બ્લોગ નાખવામાં આવશે. તાજેતરમાં ઉમરેઠ તાલુકા પંચાયતના નવા વરણી પામેલ પ્રમુખ તેમજ ઉપ-પ્રમુખની હાજરીમાં ખાતમહુર્ત કરવામાં આવ્યું હતુ અને બ્લોગ નાખવાનું કામ આગામી ટુંક સમયમાં શરૂ થઈ જશે. ખાતમહુર્ત વિધિ પ્રસંગે ઉમરેઠ મત વિસ્તારના ધારાસભ્ય જયંતભાઈ પટેલ(બોસ્કી) ખાસ ઉપસ્થીત રહ્યા હતા.

ભાજપના નવા ચુંટાયેલા સભ્યોને સન્માનીત કરાયા.

ઉમરેઠ નગરપાલિકાની ચુંટણીમાં ભાજપ માંથી વિજેયતા થયેલ ૨ સભ્યોનો સન્માન સમારોહ તાજેતરમાં કુસુમહરનાથ પાર્ટી પ્લોટ ખાતે વારાહી ટ્રસ્ટના પ્રમુખ સુરેશભાઈ જોષીના યજમાનપદે યોજાયો હતો. આ પ્રસંગે તમામ વોર્ડ માંથી ભાજપ પક્ષ માંથી ચુટાયેલા સભ્યોનું સન્માન કરવામાં આવ્યું હતુ તેમજ વારાહી માતાજીના મંદિર સામે વોર્ડનં.૫ના ભાજપ કાર્યલયને ખુલ્લુ મુકવામાં આવ્યું હતું. આ સમયે મોટી સંખ્યામાં આમંત્રિતો ઉપસ્થિત રહ્યા હતા.

ખડાયતા સમાજ ધ્વારા સન્માન સમારોહ યોજાશે.

તાજેતરમાં યોજાયેલ ઉમરેઠ નગરપાલિકાની ચુંટણીમાં વિજેયતા થયેલ જ્ઞાતિના સભ્યોનો સન્માન સમારોહ આગામી ૨૯.૧૨.૨૦૧૫ના રોજ નાસિકવાળા હોલ ખાતે યોજાશે. આ પ્રસંગે જ્ઞાતિ રત્ન શ્રી જયંતિલાલ કાચવાળા ખાસ ઉપસ્થિત રહેશે. ઉલ્લેખનીય છે કે ભાજપ માંથી ઉમેદવારી નોંધાવનાર જ્ઞાતિના ચાર સભ્યો વિજેયતા થયેલ છે જેમાં વોર્ડ નં.૪ માંથી જયપ્રકાશ શાહ (જે.પી), ગૌરાંગ ચોકસી (દેવ), તેમજ વોર્ડ નં.૬ માંથી કનુભાઈ શાહ (બેંગ્લોરી) તેમજ હર્ષ શહેરાવાળા(કે.સી)ને જ્ઞાતિજનો સન્માનિત કરશે. આ ઉપરાંત આણંદ ખડાયતા સમાજ દ્વારા પણ સદર સભ્યોને સન્માનીત કરવામાં આવશે.

ઉમરેઠ બી.એ.પી.એસ. સ્વામિનારાયણ મંદિરનો ૧૪મો પાટોત્સવ ઉજવાયો.

ઉમરેઠના લાલ દરવાજા વિસ્તારમાં આવેલ બી.એ.પી.એસ સ્વામિનારાયણ મંદિરનો ૧૪મો પાટોત્સવ ભક્તિભેર ઉજવાયો હતો. આ પ્રસંગે યોજાયેલ મહાપુજા તેમજ સત્સંગ સભામાં આણંદ મંદિરના કોઠારીજી પૂ.ભગવતચરણ સ્વામિ તયા પૂ.યોગોશ સ્વામિ અને પૂ.મંગલપ્રિયસ્વામિ ખાસ ઉપસ્થીત રહ્યા હતા અને આશિર્વચન પાઠવ્યા હતા. સમગ્ર પાટોત્સવને સફળ બનાવવા આટે સત્સંગ મંડળના સભ્યોએ ભારે જહેમત ઉઠાવી હતી.

Follow

Get every new post delivered to your Inbox.

Join 211 other followers

%d bloggers like this: